acara BUBAK KAWAH UTAWI BUBAK TEMANTEN

UPACARA
BUBAK KAWAH/BUBAK KEMANTEN anyar

Bubak kawah punika minangka upacara, menawi mantu sepisanan, lan putra sepisanan punika putri, utawi putra sepisanan kakung, ingkang angka kalih putri. Punika ugi saged ngleksanani upacara bubak kawah / bubak temanten, kanthi pangajab mugi calon temanten saged enggal anggadhahi turun utawi putra.

WEKDAL : Ing malem midodareni, watawis jam 20.00, sasampunipun pengan-
Ten putri dipun halup – halupi.

PAPANIPUN : Dalem pendapi ( ruang tamu )ngadep njawi.
Sangajengipun krobongan.
Gegambaranipun :


Panggenan X1 X4 ( romo )
` barang X3 X5 ( calon temanten )
pawon X2 X6 ( ibu )

katrangan : X1 lan X2 = kendhil kang dilabur gamping putih
X3 = kendhil isi toya resik
X4 = kursi kangge romo
X5 = kursi calon temanten putri
X6 = kursi palenggahane ibu

PIRANTINIPUN :
- Kendhil kalih kalabur gamping putih kaisenan beras kuning, arta receh
lan kantong alit isi palawija lan pari, nami PEDARINGAN KANCANA
(wiwit mula rama ibu anggadhuhi gegayuhan luhur, kangge kabahagya
putra wayah. Samangke sampun kasuntak ing kendhil kalih )
- Setengah meter kain mori kabagi 2 kangge tutup pedaringan kancana ( gegayuhane rama ibu sanget luhur kangge kabahagyane putra wayah)

- Benang lawe kangge ngiket pedaringan kancana. Mengku werdi supados
gegayuhane rama ibu kang luhur, tan putus ing madyane margi, sedaya
saged kaparingan gangsar saking karsane gusti

- lampu teplok, minangka lambanging pepadhang tumrap kulawarga kang
ge daweg ngadepi pepeteng

- Gedhang raja lan jajan pasar kang badhe kaedum dening calon temanten
putri, kanthi pangajab, mugi mbenjangipun gesangipun saged migunani
tumrape sasami.

- Kendhi wadahing tirta wening, mangkenipun badhe kapecah dening rama
ibu ing sangajenging wiwara. Minangka pralampita mugi mbenjangipun
sri panganten saged mecahaken sadaya ruwet rentenging agesang.

- Pedaringan kancana, mangkenipun badhe kapecah dening rama ibu.
Sinten kewala ingkang saged mendet arta receh, menawi ibu ibu sepuh
putranipun enggal antuk mantu. Dene menawi putra / putri enggal
antuk pacangan.

- barang pawon ugi badhe karebut ibu – ibu kang anggadhahi putri.

- Kembang telon ing gelas lan sekul kebuli, kangge pralambang mugi
menapa kang arsa kagayuh dening calon penganten saged enggal
kaleksanan.

UPACARA SIRAMAN

Siraman puniko minangka salah satunggaling rerangken upacara adat jawi ingkang maksih sinengker. Biasanipun upacara siraman punika kaadanan ing antawisipun pukul 14.00 ngantos tabuh kaping 17.00. Adicara punika kangge ngleluri duk nalikanipun para widadari sami tumurun asaking awiyat saperlu arsa adus lelumban ceciblonan wonten ing sendhang ing madyaning wana, wonten ing carios JAka Tarub. Dene adicara kang biasanipun kaangge :
1. PASANG TUWUHAN : wosipun tiyang sepah kekalih madosaken margioning kautamen dhumateng putra temanten kekalih
2. PRAPTANING TIRTA KANG MIJIL SAKING 7 SUMBER : wigatosipun tiyang sepah kekalih nyuwunaken palilah dhumateng para pepundhen kang sampun suwargi kinen kepareng paring pangestu dhumateng putri temanten
3. MUNJUKKAKEN PANDONGA : Wonten ing kalodhangan puniko para sesepuh kepareng munjukaken pandonga dhumateng gusti mrih gancaring kang sinedya.
4. NALENI CENGKIR GADHING SAKEMBARAN : wosipun supados penganten kekalih kang ing wiwit samangke sampun gandheng kunca, sageda lestantun anggenipun jejodhohan
5. SUNGKEMAN : Calon penganten putri kepareng arso sumungkem ngabyantaranipun rama ibu, saperlu nyuwun tambahing pangestu, mrih anggenipun arsa mangun brayan tansah hinaywan dening gusti.
6.CALON PANGANTEN PUTRI KATUNTUN ING PAPANING PASIRAMAN.
7. PANDONGA : mugi anggenipun badhe mundhut upacara siraman, tansah antuk berkah saking hyang widhi
8. LUKAR BUSANA : Calon panganten p[utri kepareng arsa nyarirani pribadi amnggenipun angadani upacara siraman.
9. SIRAMAN : Para sesepuh ganjil gunggungipun kepareng arsa paring pangestu dhumateng calon panganten putri kanthi sarana hanyirami calon [anganten putri kaping tiga. Miwiti, nengahi lan muingkasi.
10. MUNDHUT TIRTA KANGGE WUDHU : ingkang ibu kepareng ngucuraken tirta kang miojil saking kendhi pratala kangge sarana wudlu tumrap panganten putri, kang minangka gegambaran dene anggenipun arsa lelumban ing madyaning bebrayan agung kanthi alelandhesan ati kang suci.
11. BOPONGAN : purna adicara siraman, sri calon panganaten putri nuli kabopong dening kanjeng rama saperlu lukar busana, lan gantos busana candhakipun
12. TIGAS RIKMO : rikmanaipun calon panganaten putri arso katigas dening romo lan ibunipun lan badhe katamnem wonten ing taritisan.
13. SADEYAN DHAWET : mugi calon panganten putri saged gangsar anggenipun pados kaya, kangge kabetahaning kulawarga
14. TUMPENGAN : mawi tumpeng robyong, lan arsa kalajengaken kembul bojana Andrawina.

Sawatawis cekap semanten rumiyin, sanes wekdal kasambed malih.